Policia ka arrestuar autorin e plagosjes me thikë të 16-vjeçarit në Durrës.
Sipas njoftimit të policisë në pranga përfundoi shtetasi A.M 20 vjeç, i cili dyshohet se për motive të dobëta ka qëlluar me thikë adoleshentin.
Njoftimi i policisë:
Plagosi me mjet prerës(thikë), një 16-vjeçar, gjatë një konflikti për motive të dobëta, kapet menjëherë nga shërbimet e Policisë dhe vihet në pranga autori i dyshuar.
Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi A. M. ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve.
Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. M.
Vijon puna për dokumentimin e plotë të kësaj ngjarjeje.
