Meta në Kolegjin e Mbrojtjes së NATO-s në Romë: Shqipëria e gatshme të marrë të gjitha përgjegjësitë

15/04/2019 - 18:31

Në kuadër të 10-vjetorit të anëtarësimit të Shqipërisë në NATO, Presidenti i Republikës, Ilir Meta, zhvilloi një vizitë si i “Ftuar Nderi” në Kolegjin e Mbrojtjes së NATO-s, në Romë.

Meta mbajti një fjalë përpara një audience të veçantë me ekspertë të shquar të mbrojtjes, të sigurisë dhe përfaqësues ushtarakë të vendeve anëtare të NATO-s në Romë.

Kreu i Shtetit shqiptar nënvizoi se anëtarësimi i Shqipërisë në NATO përbën një ngjarje me rëndësi historike jo vetëm për Shqipërinë por edhe për rajonin e Ballkanit Perëndimor e njëkohësisht është një përgjegjësi e madhe për t’i shërbyer paqes, stabilitetit dhe sigurisë së rajonit tonë, në Mesdhe dhe më tej.

“Shqipëria është një partner i besueshëm i NATO-s dhe lider në të gjitha nismat rajonale me qëllim rritjen e masave të besimit mes vendeve të rajonit, forcimin e bashkëpunimit dhe ndarjen e përvojës së saj të anëtarësimit.

Shqipëria garanton përmbushjen e përgjegjësive të saj, angazhimin dhe përkushtimin e solidaritetin në dobi të “mbrojtjes dhe sigurisë kolektive” të çdo anëtari të NATO-s dhe të interesave strategjike të Aleancës”, theksoi ai.

Presidenti thotë se Shqipëria është e gatshme të marrë të gjitha përgjegjësitë që i kërkohen në kuadër të Aleancës.

“Shqipëri është e gatshme të marrë të gjitha përgjegjësitë që i kërkohen, veçanërisht në përmbushjen e rolit të saj të pazëvendësueshëm si faktor stabiliteti në rajon, si promotore e palodhur e bashkëpunimit dhe integrimit rajonal, si mbështetëse e vendosur e politikës së ‘Dyerve të Hapura’ të NATO-s dhe si partnere strategjike e Aleancës përmes një politike të jashtme koherente dhe të besueshme”, theksoi Kreu i Shtetit shqiptar.

/portali DurresLajm/

Na bëni like në facebook!: 

Lajme nga e njëjta kategori

Vijojnë replikat në distancë mes kryeministrit dhe Presidencës.

Përmes sekretarit të Përgjithshëm, Gazmend Bardhi, Partia Demokratike ka reaguar lidhur me deklaratat e kryeministrit Edi Rama në seancë

Pas deklaratës së presidentit Ilir Meta sa i takon ndryshimeve kushtetuese, të cilat pohoi se nuk do t’i njohë, ka reaguar kryeministri E

Në një dalje publike të paralajmëruar, Presidenti Ilir Meta deklaroi se propozimi për ndryshimet kushtetuese, zeron përpjekjet 9 mujore p

Zëdhënësja e Komisionit Europian, Ana Pisonero i bën thirrje politikës shqiptare për miratimin dhe zbatimin e marrëveshjes së 5 qershorit

Kryeministri Edi Rama nga foltorja e Kuvendit u ka dërguar një mesazh të qartë ndërkombëtarëve, teksa tha se Kuvendi i Shqipërisë është s

Kryeministri Edi Rama e nisi fjalën në kuvend me thirrje ndaj deputetëve për të vendosur maskat.

Kreu i grupit parlamentar të PS-së, Taulant Balla në fjalën e tij në Kuvend u ndal tek çështja e dëmshpërblimit të ish-të përndjekurve po

Presidenti Ilir Meta ka dekretuar me shpallje 4 ligjet që lidhen me paketën penitenciare të hartuar nën kujdesin e ekspertëve të caktuar

Presidenti Ilir Meta ka uruar Maqedoninë e Veriut për zgjedhjet, të cilat i konsideron të lira, demokratike dhe konkuruese.