“Rama dhe Basha po ndajnë paratë”, ish-ministri i PD thyen heshtjen

19/10/2018 - 17:16

Pas gati 1 viti heshtjeje, ish-deputeti demokrat Arben Imami ka qenë i ftuar në studion e Top Talk, ku ka vënë në dukje gjendjen e vështirë brenda radhëve të opozitës, ku fajtor për këtë bën edhe kryetarin aktual Lulzim Basha.

“E gjithë PD është vënë në dispozicion të Bashës për të marrë sa më tepër para nga Edi Rama”, ky është perceptimi që ish-ministri dhe deputeti i Partisë Demokratike, Arben Imami deklaroi në studion e “Top Talk”.

Ai shprehet se nuk ka guxuar të flasë më parë sepse nuk ka pasur fakte, por tanimë ka një pasqyrë të qartë.

“Punët shkojnë mirë. Paratë bëhen. E ka thënë Topalli në një konferencë më parë. Unë nuk kam guxuar të flas sepse nuk kisha ende fakte. Por tani kemi një pasqyrë të plotë që paratë po bëhen nga të dyja palët njësoj. Po ndahen paratë. Është shumë e qartë, që edhe për marrëveshjen iu dha edhe një shumë jo e vogël në dorë. E gjithë PD po punon për të rritur pozicionin negociues të Lulzim Bashës për të marrë sa më shumë para nga Edi Rama”, u shpreh ai duke pohuar pyetjen e gazetarit Denis Dyrnjaja se PD është marrë peng.

Më tej ai u shpreh se opozita në vend është në gjendje të keqe, pasi sipas tij zgjedhje në 2017 nuk ka patur por ato janë dhënë në tavolinë

“Si do të veprojë opozita?! Kemi një gjendje të vështirë. Rrënjët e kësaj gjendje janë zgjedhjet që u dhanë dhe u morën në tavolinë, të dy janë njësoj. As Basha nuk ishte i titulluar për të dhënë zgjedhjet në tavolinë, e as Rama nuk ishte i titulluar për të marrë zgjedhjet në tavolinë”, shtoi ish-ministri i PD.

Sipas tij njerëzit janë të papërfaqësuar, e opozita e sotme është e dobët në vetvete edhe për këtë fakt, e për këtë arsye Edi Rama vijon të qeverisë me arrogancë.

“Nëse nuk shkojmë në zgjedhje s’do kemi një opozitë të fortë, Si mund të shkojmë në zgjedhje nuk di të jap as unë një përgjigje”, u shpreh Imami në Top Channel.

 



/portali DurresLajm/

Na bëni like në facebook!: 

Lajme nga e njëjta kategori

Nënkryetari i LSI-së Petrit Vasili, me anë të një statusi në “Facebook” iu bën thirrje qytetarëve që të mos komentojnë në rrjetet sociale

Ish-deputetja e PD-së Albana Vokshi, me anë të një statusi në “Facebook” përgënjeshtron ministren e Drejtësisë Etilda Gjonaj, duke thënë

Ministrja e Drejtësisë, Etilda Gjonaj ka reaguar pas publikimit të lajmit mbi shpenzimet e saj në udhëtimet jashtë vendit.

Kryebashkiaku i Tiranës Erion Veliaj, di si të zgjidhë problemet dhe hallet e ndryshme që kanë banorët e kryeqytetit, cilatdo qofshin ato

Kryeministri Edi Rama ka publikuar një emër tjetër aktori dhe regjisori, i cili sipas tij, mbron dhe mbështet idenë së vendi ka nevojë pë

*Katrahura hajdutërore që ka krijuar kjo qeveri, si vijim i ish-pushtet-sundimeve të para vitit 2013; duhet të na zgjojnë e alarmojnë

Një pritje spektakolare dhe një ambient festiv i ka rezervuar Durrësi anijes nga Katari "Fateh Al Khair 4",, e cila konsiderohet një muze

Kreu i Partisë Demokratike, Lulzim Basha, shkruan se kryetari i zgjedhur i Bashkisë së Vorës, Agim Kajmaku i fshihet prej vitesh drejtësi

Pas publikimit sot në media të faturave, sipas te cilave në udhëtimet  e punës gjatë vitit 2018 deri në qershor të vitit 2019, ministrja

Ish-deputetja Grida Duma ka folur së fundmi rreth jetës së saj personale dhe si politikane.