Teksa vëmendja politike dhe ajo e mbarë popullit është përqendruar te protesta e studentëve, mes tyre dhe kryeministrit Edi Rama ka pasur deklarata dhe kthim përgjigje në distancë.
Kreu i qeverisë, sot iu është përgjigjur studentëve, ndërsa shkruan se ata po veprojnë njësoj si kryetari i PD-së Lulzim Basha, që sipas tij u mbyll ne çadër dhe nuk pranonte të dialogonte.
“S’jeni Luli? Po atëherë pse bëni ekzaktësisht si Luli që futet në çadër e bërtet, s’dua dialog, plotëso kërkesat se s’dal nga çadra!? Ikën nga Kuvendi e bën të njëjtën gjë, plotësoji se s’vij!E pastaj në fund vetëm humbet! Kush ju kërkon pazare? Unë jo njëherë. As negociata DIALOG”, thuhet në mesazhin e Ramës në Twitter.
