Në një ditë të ngarkuar pune të gjithëve na ndodh që ta konsumojmë vaktin e drekës në tavolinë dhe mos të shkëputemi nga puna.

Mund të ndodhë që të jemi duke punuar jashtë orarit për një punë të cilën nuk e kemi përfunduar ende, ose thjesht nuk preferojmë që të lëvizim nga karrigia e rehatshme e punës.

Por, pavarësisht arsyeve të shumta që na shtyjnë të konsumojmë në tavolinë, Business Insider tregon 5 arsye se pse nuk duhet ta bëjmë më:

1-Qëndrimi ulur për një kohë të gjatë demton shëndetin tonë, si atë fizik edhe atë mendor.

2-Reduktohet niveli i produktivitetit në punë, prandaj kërkohet ndryshim ambienti.

3-Përveç bërjes rrëmujë të tavolinës së punës, krijohen kushte për përhapjen e baktereve.

4-Qëndrimi në vetëm një ambient, ju pengon të socializoheni dhe të krijoni shoqëri.

5-Era e ushqimit mund të bezdisë koleget e tjerë.