Ministri i Jashtëm i Gjermanisë e konfirmon: Konferenca Ndërqeveritare me Maqedoninë e Veriut brenda vitit!

28/10/2020 - 19:30

Shqipëria dhe Maqedonia e Veriut nuk do të kenë të njëjtën rrugë sa i përket procesit të Integrimit. Ministri i Punëve të Jashtme të Gjermanisë, Heiko Maas, ka deklaruar se si kryesues të Presidencës së Bashkimit Evropian kanë planifikuar mbajtjen e Konferencës së Parë ndërqeveritare për hapjen e negociatave brenda këtij viti si për Maqedoninë e Veriut, ndërsa për Shqipërinë, ai ka thënë se do të varet nga kushtet.

Këto deklarata, Maas i bëri gjatë Forumit Ballkanik Kundër Antisemitizmit.

“Ne hapëm dyert për bisedimet e anëtarësimit me Shqipërinë dhe Maqedoninë e Veriut. Kemi në plan që Konferencën e Parë të Anëtarësimit me Maqedoninë e Veriut ta mbajmë para mbylljes së Presidencës Gjermane. Dhe, nëse kushtet do ta lejojnë, edhe me Shqipërinë”, deklaroi ministri i Jashtëm i Gjermanisë.

Sa për fenomenin e migracionit, Maas u shpreh “nuk mund t’i mbyllim sytë ndaj problemeve, që shkakton “rrjedhja e vazhdueshme e trurit” në Ballkanin Perëndimor”.

Ai iu referua të dhënave të revistës “The Economist”, ku parashikohet se deri në vitin 2050 popullsia e Bosnjës, Shqipërisë dhe Serbisë do të tkurret me 1/3 e saj ndërsa një studim i Këshillit të Bashkëpunimit Rajonal tregon se, 71 % e të rinjve në vendet e Ballkanit Perëndimor janë duke marrë në konsideratë lëvizjen jashtë vendit.

“Është në interesin tonë të përbashkët strategjik, që vendet tuaja të anëtarësohen në Bashkimin Evropian. Aty është vendi i tyre. Aty shumica e të rinjve tuaj duhet të shohin të ardhmen e tyre. Dhe nëse BE nuk vjen tek ata, do të jenë ata që do të shkojnë në BE. Numrat flasin vetë. Në vitin 2001, para se të bashkoheshin me BE-në, 75 për qind e të rinjve rumunë donin të largoheshin prej vendit të tyre. Sot, dy të tretat e tyre dëshirojnë të qëndrojnë. Shpresojmë të shohim të njëjtin zhvillim edhe në Ballkanin Perëndimor”, tha ministri i Jashtëm gjerman.

/portali DurresLajm/

Na bëni like në facebook!: 

Lajme nga e njëjta kategori

Mandatari për formimin e Qeverisë së re të Malit të Zi, Zdravko Krivokapiç, paraqiti propozimin përfundimtar të përbërjes së kabinetit qe

Pandemia COVID-19 vijon të shkaktojë viktima në Maqedoninë e Veriut.

Në Greqi autoritetet njoftuan sot 2,018 raste të reja të koronavirusit në vend, nga të cilat 2 u zbuluan pas kontrolleve në hyrjet e vend

Gjatë 24 orëve të fundit, Serbia ka regjistruar 7 606 raste të reja të personave të infektuar me Covid-19.

620 persona janë konfirmuar pozitivë me COVID gjatë 24 orëve të fundit në Mal të Zi.

Greqia do të zgjasë masën e izolimit mbarëkombëtarë, për një javë, deri në 7 dhjetor, teksa rastet me koronavirusin e ri vazhdojnë të rri

Maqedonia e Veriut vijon të mbetet një nga vendet më të prekura nga koronavirusi në rajonin tonë.

Situata e pandemisë COVID -19 në Greqi është përkeqësuar.

Nga mbrëmja e kësaj të mërkure, Mali i Zi nis zbatimin e masave për parandalimin e përhapjes së koronavirusit.

Maqedonia e Veriut vijon të raportojë shifra të larta të rasteve të reja me koronavirus.