Shqiptarët votojnë Gjukanoviç, zgjedhjet presidenciale të së dielës në Malin e Zi

Postuar: 14/04/2018 - 22:02

Partitë politike shqiptare në Mal të Zi, që njihen për divergjenca të shumta, këtë herë kanë rënë dakord që vota e tyre të shkojë për Milo Gjukanoviçin ne zgjedhjet presidenciale të së dielës.

Deputeti i vetëm shqiptar në Parlamentin malazez, Genc Nimanbegu, që është dhe nënkryetar i Parlamentit thotë se edhe orientimi i politikës shqiptare ka qenë që të votohet për Milo Gjukanoviçin.

“Mesazhi i tyre ishte i qartë që të përkrahej Gjukanovici, ky mesazh vinte pasi ne kemi marrë vendimin kë do të mbështesim”, shprehet Genc Nimanbegu, nënkryetar i Parlamentit në Malin e Zi.

Në të njëjtën linjë është dhe kryetari i Komunës së Ulqinit, Nazif Cungu që është dhe kryetari i Partisë Forca.

“Duke pasur parasysh hyrjen në NATO, pavarësinë e Kosovës, pavarësinë e Malit të Zi, ne duan që këto arritje të shkojnë edhe më tej, pasi ne si shqiptarë në Malin e Zi do të kemi një pozicion edhe më të mirë”, thotë Nazif Cungu, kryetar i Komunës së Ulqinit.

Ndërsa kryetari i Partisë Unioni Demokratik Shqiptar, Mehmed Zenka që mban dhe postin e Ministrit të Drejtave të Njeriut dhe Pakicave në qeverinë malazeze shprehet se vota për Gjukanoviçin është jetësore për shqiptarët dhe gjithë rajonin pasi kandidati tjetër pro serb ka thënë hapur se mund të rishikojë referendumin për Pavarësinë e Malit të Zi e kthim pas të shumë arritjeve që janë bërë deri tani.

“Shqiptarët në Malin e Zi kanë vetëm dy zgjedhje, nuk ka një zgjedhje të mesme. Ose krahu serb, ose krahu pro europian, të cilin e përfaqëson Gjukanoviç”, thotë Zenka.

Edhe lideri u Partisë Demokratike Shqiptare në Mal të Zi, Fatmir Gjeka shprehet se nuk ka asnjë dyshim që votat e shqiptarëve do shkojnë për Milo Gjukanoviçin.

“Kemi shumë arsye, duke përmendur luftën në Kosovë, pastaj njohja e Kosovës, marrëdhëniet e mira që ka me Shqipërinë”, thotë Gjeka.

Por dhe qytetarët duken të vendosur se vota e tyre duhet të shkojë për Gjukanoviçin.

“Do të votoj për Gjukanoviçin pasi ai është kryetari i Malit të Zi dhe asnjë tjetër”, thotë një qytetar.

“Me siguri ish-kryeministrin, i ka shanset më të mëdha”, thotë një tjetër qytetar. /TCh/

/portali DurresLajm/

Na bëni like në facebook!: 

Lajme nga e njëjta kategori

   Presidenti i Serbisë, Aleksandër Vuçiç, tha të hënën se politika e ndjekur pesë vjet për ta rikthyer çështjen e Kosovës në tryezën e b

   Era e fuqishme që përfshiu shumë qytete të Maqedonisë, përfshirë edhe Shkupin, ka shkaktuar probleme në disa pjesë të kryeqytetit, duk

   Në një intervistë për Deutsche Wellen, deputetja gjermane liberale Renata Alt kërkon nga qeveria gjermane që të bëjë më shumë presion

   Zakonisht, në këtë periudhë të vitit, plazhet greke i gëzohen rrezeve të diellit të ditëve të fundit të verës.

   Ministri i Jashtëm Ivica Dacic tha se Serbia do të njohë Kosovën dhe do të lejojë që të ketë karrigen në OKB, kur të "fluturojnë derra

Kryeministri maqedonas Zoran Zaev paralajmëron votuesit se dështimi i marrëveshjes me Greqinë rrezikon ta zhysë vendin në kaos dhe izolim

Kryetari i Partisë Demokratike, Lulzim Basha, përveç takimeve me lideret e subjekteve politike në Republikën e Maqedonisë, ka takuar edhe

Në plazhin më të njohur të ishullit Zante në zonën Nauagio në Greqi, për pak mund të kishte ndodhur një tragjedi.

Një vajzë 17-vjeçare shqiptare me banim në Neproshten të Maqedonisë, është zhdukur pa gjurmë.

Aeroporti i Beogradit “Nikolla Teslla” është hapur për trafikun ajror pas bllokadës që nga mëngjesi kur një avion nga Egjipti kishte ngel