Vuçiç irritohet me Hotin, debate të ashpra në Forumin e Sigurisë

22/10/2020 - 20:57

Është shoqëruar me debate të ashpra mes kryeministrit të Kosovës Avullah Hoti dhe presidentit serb, Aleksandër Vuçiç, Forumi i Sigurisë i Beogradit që u zhvillua “online”. Hoti kërkoi njohje reciproke, ndërsa Vuçiç i irrituar i kërkoi shefit të qeverisë së Prishtinës që të mos flasë kurrë më për dy shtete, pasi sipas tij ekziston vetëm një.

Gjatë fjalës së tij në forumin me temë “S’ka paqe pa besim”, kryeministri Hoti vlerësoi kontributin e Shteteve të Bashkuara në procesin e dialogut, por nënvizoi se mekanizmi kryesor për normalizimin e marrëdhënieve është Bashkimi Europian.

“Ky është vetëm fillimi i një procesi historik të arritjes së marrëveshjes përfundimtare për normalizimin e plotë të marrëdhënieve ndërmjet Kosovës dhe Serbisë, që nënkupton edhe njohjen reciproke midis dy vendeve.”, tha kreu i qeverisë së Kosovës.

Qëndrimi i tij duket se irritoi presidentin serb, Vuçiç, i cili pohoi se Serbia nuk do ta njohë kurrë Kosovën si shtet të pavarur.

“Hoti theksoi disa herë: dy shtete-dy shtete, dy shtete-dy shtete, në këtë takim por edhe në takime të tjera. I them të mos e përdorë këtë mijëra herë. Nëse do afrim mes nesh mos e thuaj. Ne e dimë çfarë mendon. Dy shtete-dy shtete, dy shtete-dy shtete. Nuk ka dy shtete, ka një shtet që është anëtar i OKB-së në përputhje me Rezolutën 1244.”, deklaroi Vuçiç.

Në panel ishte pjesëmarrës edhe i emëruari i posaçëm i Bashkimit Europian për dialogun, Miroslav Lajçak. Duke parë situatën e tensionuar, ai nënvizoi se zgjidhja mes Prishtinës dhe Beogradit është e mundshme, por paralajmëroi se do të jetë një kompromis i dhimbshëm.

Pjesë e forumit ishte dhe Ryan Tully nga Këshilli për Siguri Kombëtare i Shteteve të Bashkuara të Amerikës.

/portali DurresLajm/

Na bëni like në facebook!: 

Lajme nga e njëjta kategori

Maqedonia e Veriut vijon të raportojë shifra të larta të rasteve të reja me koronavirus.

Greqia sërish ka vijuar me shifra të larta të koronavirusit.

Greqia duket se do ta zgjasë izolimin përtej datës 30 nëntor që ishte parashikuar nga qeveria kur u vendosën masat kufizuese dy javë më p

Në 24 orët e fundit në Maqedoninë e Veriut janë regjistruar 35 viktima dhe 387 raste pozitive me Covid-19 nga 1,176 teste të kryera.

Greqia e ka nisur edhe këtë javë me shifra të larta nga COVID-19.

Mijëra qytetarë dhe shtetarë të Serbisë i bënë homazhet të dielën patriarkut Irinej, kreut të Kishës Ortodokse Serbe, i cili ndërroi jetë

Drejtoria Vendore e Kufirit dhe Migracionit Shkodër ka bërë me dije se udhëtimet drejt Malit të Zi vijojnë normalisht dhe të gjithë udhët

Mediat maqedonase shkruajnë se opozita vijon të kërkojë dorëheqjen e kryeministrit Zoran Zaev dhe ministrit të shëndetësisë, Venko Filipç

Përfaqësuesi i Lartë i Bashkimit Evropian për Punët e Jashtme, Josep Borrell, ka treguar gjatë një interviste për mediat serbe se mes Kos

Në 24 orët e fundit në Maqedoninë Veriore janë kryer 2.553 teste të dyshuara për COVID-19, prej tyre pozitivë me koronavirus kanë rezultu