Mjalti juaj i preferuar

29/01/2015 - 09:50

  • Ka mbi 300 lloje të ndryshme të mjaltit, të dobishëm për probleme të ndryshme shëndetësore. Zbulimi i shijeve të ndryshme aromatike të mjaltit është një udhëtim i pafund!

29 janar 2015 -   Llojet e ndryshme të mjaltit dhe përfitimet e tyre shëndetësore i gjeni në vijim:

Mjaltë livadhi

Gjithashtu i njohur si mjaltë "shumëlulesh”, rrjedh nga burime të ndryshme dhe të padefinuara të luleve. Ngjyra e tij mund të ndryshojë nga e çelur në të errët; shija shkon në varësi të përzierjes së luleve të ndryshme sezonale.

Vlerat ushqyese: Ky mjaltë konsumohet shpesh nga ata që kanë problem me alergjinë – duke qenë se ai rrit sistemin imunitar duke ndërtuar antitrupat e organizmit kundër alergjenëve dhe polenit.

Mjalti i livadhit është një alternativë efektive dhe e sigurt për trajtimin e infeksioneve të sipërme të frymëmarrjes dhe kollën tek fëmijët mbi moshën 12 muaj.

Mjaltë pishe

Mjalti i pishës nuk është i ëmbël, ka shije pak të hidhur, ka një aromë të fortë dhe është relativisht i pasur me minerale dhe proteina(kalcium, magnez, zink, hekur, bakër, etj). Është mjaft rezistent ndaj kristalizimit.

Vlerat ushqyese: Mjalti i pishës ka veti të forta anti-bakteriale (lufton bakterin E. coli). Gjithashtu mund të ndihmojë në kurimin e ftohjeve, infeksionet e fytit, gripin dhe problemet e stomakut.

Mjaltë mali

Ky mjaltë ka aromë të freskët të bimëve të bjeshkëve, por shija e tij mund të ndryshojë shumë në varësi të burimit të nektarit. Është një nga varietetet më të preferuar të mjaltit nga fëmijët. Përdoret shpesh në vend të reçelit për mëngjes. Gjerësisht përdoret dhe në gatim apo pjekje të ëmbëlsirave.

Vlerat ushqyese: Ky mjaltë i rrallë, është i mbushur me ushqyes dhe vitamina që trupi ynë ka nevojë për funksionimin e shëndetshëm. Në të njëjtën kohë është i këndshëm dhe delikat në aromë.

Jo vetëm që është mjaltë i mirë për bukurinë e lëkurës, por është gjithashtu një antiseptik i fuqishëm që mund të përdoret si një trajtim natyror për plagët.

Mjaltë akacia (bagremi)

Akacia, është një nga më të popullarizuarit dhe më të ëmblit ndër varietetet e mjaltit për shkak të shijes së tij të butë dhe delikate. Ai mbetet në gjendje të lëngët për një kohë të gjatë. Për shkak të përmbajtjes së tij të ulët të saharozës, është një zgjedhje e mirë për diabetikët.

Vlerat ushqyese: I njohur për veprimin e tij terapeutik, akacia pastron mëlçinë, rregullon zorrën dhe është anti-inflamator për sistemin e frymëmarrjes.
Ky mjaltë është i shkëlqyer si ëmbëltues, pa ndryshuar shijen apo aromën e pijeve dhe çajrave. Gjithashtu, fëmijët e duan këtë mjaltë.

Mjaltë gështenje

Pema e gështenjës është e përhapur në zonat malore. Mjalti i gështenjës ka shije pak të hidhur. Ngjyra ndryshon në bazë të origjinës së tij, nga kafe e errët deri tek e kuqërremtë. Kristalizohet pas 1-2 vitesh.

Vlerat ushqyese: Nxit djersitjen, nxit qarkullimin e gjakut dhe ka veti dezinfektuese në traktit urinar.

Mjaltë trumze

Ekzistojnë rreth 350 lloje të trumzës. Mjalti i trumzës ka një shije të fortë. Greqia njihet si prodhues më i madh i këtij mjalti. Mjalti i trumzës përdoret gjerësisht për të luftuar infeksionet. Ky mjaltë specifik kristalizohet pas 6-18 muaj.

Vlerat ushqyese: Mjalti i trumzës është i pasur me bakër. Ka veti tonike dhe antiseptike. Rekomandohet për parandalimin dhe luftimin e infeksioneve të sëmundjeve peptike dhe të rrugëve të frymëmarrjes. 

Këshillë

Mjalti i ka të gjitha vetitë ushqyese që i duhen njeriut, dhe për ta bërë vërtetuar këtë, po e theksoj se një kg mjalti  ka vlera ushqyese sa 50 kokrra vezë ose sa 2.5 kg mish viçi. Më së miri është që të përdoret me lugë druri, plastike apo alumini. Luga e hekurt ia dëmton mjaltit fermentet dhe mikroelementet kryesore të tij.

Përdorimi

Mjalti përdoret për ushqim, për ëmbëlsira dhe për ilaçe. Mjalti ruhet në dy gjendje: e para është gjendja e lëngët, kurse e dyta është gjendja e ngurtë ose e kristalizuar. Kur është koha e ngrohtë, në fillim ai rri i hollë dhe i lëngët, e kur bën ftohtë e për një kohë të gjatë, ai fillon të dendësohet dhe kristalizohet.

            Nëse dikush dëshiron që mjaltin (e kristalizuar) ta ketë prapë në gjendje të lëngët, duhet ta lërë 24 orë në një temperaturë konstante rreth  40º C. Aftësia e mjaltit për të jetuar është që kristalizohet, pra kur merr pamjen si të gjalpit. Mjalti i kristalizuar është më i shijshëm për ta ngrënë. Për ëmbëlsira është më praktik të jetë në gjendje të lëngët. Kurse për ilaçe bënë të përdoret në të dy gjendjet.

         Mjalti që përdoret për shëndet nuk bën të përpihet menjëherë. Më së miri është që mjalti i kristalizuar të mbahet në gojë derisa të shkrihet. Në këtë mënyrë mjalti kalon drejtpërsëdrejti në gjak, pa iu dëmtuar as fermentet e as mikroelementet, sepse, siç dimë, lukthi - afër 30% të materieve ushqyese i dëmton, prandaj edhe efekti ushqyes i mjaltit mund të jetë më i vogël.

 

/portali DurresLajm/

Na bëni like në facebook!: 

Lajme nga e njëjta kategori

Sindroma Asperger (AS) është një nga një grupet e çrregullimeve neurologjike të njohura si çrregullime të spektrit të autizmit (ASD).

Qumështi është i shëndetshëm për kockat, por jo vetëm! Nëse e konsumoni atë para gjumit, do të keni edhe më shumë përfitime.

Një udhëzim i Institutit të Shëndetit Publik në Mbretërinë e Bashkuar thotë se mjalti përbën mënyrën më të mirë për të trajtuar kollën ak

Kafeja gjatë shtatzënisë duhet evituar plotësisht. Ky është rezultati i një studimi të publikuar sot i bazuar mbi statistika.

Sipas një studimi, fëmijët nën 5 vjeç mund të preken më lehtë nga koronavirusi se sa të rriturit.

Lëngu i portokallit tingëllon si alternativë e mençur dhe e shëndetshme për ta nisur ditën.

Një ndër pijet më të dashura dhe të famshme të fillimit të mëngjeseve plot energji.

Kujdesi për dhëmbët është i domosdoshëm për të pasur një buzëqeshje të bukur.

Infertiliteti renditet nga Organizata Botërore e Shëndetësisë në mesin e tre sëmundjeve kryesore që kërcënojnë popullatën botërore.

Mirëqenia e trupit dhe organizmit është në pjesën më të madhe në varësi të ushqyesve të cilët konsumojmë.