Një 36-vjeçar ka mbetur i plagosur me thikë në qafë këtë të shtunë në Sarandë. Sipas policisë ngjarja dyshohet të ketë ndodhur pas një konflikti për motive të dobëta.
Autor i kësaj ngjarje është një 32-vjeçar. Ai është vënë në pranga dhe është shoqëruar në polici për t’u marrë në pyetje për këtë ngjarje.
Njoftimi i policisë
Sot, rreth orës 21:10, në lagjen nr.1, dyshohet se gjatë një konflikti për motive të dobëta, shtetasi Dh. T., rreth 32 vjeç, ka goditur me mjet prerës, në zonën e qafës, shtetasin L. P., rreth 36 vjeç.
Shërbimet e Policisë kanë shkuar menjëherë në vendngjarje dhe falë veprimeve të shpejta bënë të mundur kapjen e autorit të dyshuar, shtetasin Dh. T, dhe shoqërimin e tij në Komisariatin e Sarandës, për veprime të mëtejshme hetimore.
Shtetasi L. P, aktualisht ndodhet në spitalin e Sarandës, nën kujdesin e mjekëve.
Vijon puna e grupit hetimor për sqarimin e plotë të rrethanave të ngjarjes.
