Radja Nainggolan pranoi në një intervistë për emisionin televiziv belg Bar Goens se kërkoi një shumë prej 100,000 eurosh nga trafikanti i drogës, Nasr-Eddine Sekkaki. Ish-futbollisti belg u arrestua nga policia belge me akuzën e trafikut ndërkombëtar të drogës si pjesë e një hetimi më të gjerë për krimin e organizuar. Ai u lirua më pas kur akuzat u hoqën.“Ninxha” sqaroi se përse i kishte kërkuar para shefit: “Nuk ishin ata që kishin nevojë për para, isha unë. Njerëzit besojnë atë që lexojnë në gazetë, se unë jam i përfshirë në një rast droge. Por nuk ka lidhje me drogën”. Gjatë intervistës, Nainggolan zbuloi se kishte kërkuar të merrte hua shumën e madhe për të shlyer borxhet e lojërave të fatit dhe llogaritë e bllokuara për shkak të divorcit. Shuma e marrë me para në dorë dhe më pas është kthyer me transferta bankare që variojnë nga 5000 deri në 30000 euro “të maskuara” si investime ndërtimore.