Dhjetëra njerëz humbën jetën dhe shumë të tjerë u plagosën pas shpërthimeve në një tubim masiv të grupit të armatosur M23 në Bukavu, në Republikën Demokratike të Kongos (DRC), të cilin rebelët e pushtuan kohët e fundit.

Pamjet e postuara në rrjetet sociale tregojnë njerëzit që largohen nga vendi i shpërthimeve dhe të plagosurit që transportohen nga të afërmit e tyre.

Edhe pse nuk është dhënë një numër i saktë i viktimave, mediat ndërkombëtare dhe lokale raportojnë disa të vdekur.

Duke folur për Reuters, Cornil Nanga, kreu i Aleancës së Lumit Kongo, një koalicion që përfshin M23, tha se presidenti i vendit, Felix Tshisekedi, urdhëroi sulmin.

Mijëra njerëz ishin të pranishëm në tubimin, i cili u zhvillua në Sheshin e Pavarësisë në qendër të qytetit, kryeqyteti i provincës së Kivu-së Jugore.