Dy zyrtarë të lartë të Reform UK kanë dhënë dorëheqjen pas një raportimi të Channel 4 mbi pretendimet për financim të paligjshëm të partisë.
Dan Jukes, këshilltari i Nigel Farage, dhe kreu i politikave James Orr u larguan nga postet e tyre ndërsa partia ka nisur një hetim të brendshëm.
Një raportim me kamera të fshehta pretendon se Jukes sugjeroi mënyra për të anashkaluar ligjin britanik për të siguruar një donacion të huaj prej 500 mijë paundësh. Në material përfshihet edhe një diskutim për financimin e sondazheve politike.
Reform UK i ka mohuar akuzat, duke e cilësuar raportimin si një “mashtrim” dhe ka thënë se hetimi do të zhvillohet në mënyrë të pavarur.
Ndërkohë, Partia Laburiste dhe Liberal Demokratët e kanë referuar çështjen në Policinë Metropolitane, e cila ka deklaruar se do ta vlerësojë informacionin.
Skandali ka shpërthyer në një moment të rëndësishëm për Reform UK, pasi partia po zhvillon konferencën e saj në Birmingham.
