Sot shemben dy pallate në Durrës, njoftimi i rëndësishëm për banorët e kësaj zone

Këtë të hënë, IKMT dhe IMTV në bashkëpunim me Policinë Bashkiake Durrës do të shembin dy pallate në rrugën “Aleksandër Goga”.

Pallatet 5-katëshe në lagjen nr. 18 ishin dëmtuar nga tërmeti i 26 nëntorit dhe në zbatim të ekspertizave të thelluara të hartuara nga Instituti i Ndërtimit në Tiranë, do të prishen.

Policia Bashkiake njofton se ka marrë të gjitha masat e sigurisë ndërsa kërkon mirëkuptimin e banorëve të objekteve që do shemben që të largohen nga godinat.

Më herët, “DurrësLajm” ka raportuar se pallatet në fjalë do të rindërtohen po në truallin ekzistues.

NJOFTIMI I POLICISË BASHKIAKE DURRËS

Njoftim i rëndësishëm: Në zbatim të ekspertizave të thelluara të hartuara nga Instituti i Ndërtimit në Tiranë.

Neser do të kryhet shembja e dy pallateve ne rrugen A.Goga nga IKMT dhe IMTV me mbeshtetje te pol bashkiake në kuadër të procesit të rindërtimit.

Pol bashkiake ka mare qe dje masat e sigurise duke larguar te gjitha mjetet e parkuara afer ketyre pallateve si dhe ka vendosur perimetrin e sigurise me shirita sinjalizues.

Kërkojmë mirëkuptimin e të gjithë banorëve të këtyre godinave që të largohen prej këtyre pallateve të cilat do të shemben neser:

 – Objekt ekzistues pallat 5 katësh, Rajoni 4, zona kadastrale 8511, rruga “A.Goga” lagjia 18, nr.120.

 – Objekt ekzistues pallat 5 katësh, Rajoni 4, zona kadastrale 8511, rruga “A.Goga” lagjia 18, nr.130.