Gjergji Haxhiu, "Hamiltoni" shqiptar drejt Formula 1(VIDEO)

19/09/2014 - 08:19

19 Shtator 2014 - Nëntë vite më parë shkoi për një shëtitje me familjen në garat me makina Kart. Ishte vetëm gjashtë vjeç, por këmbënguli të bënte dhe ai një xhiro. Që në atë moment e kuptoi se sa shume i dashuronte këto gara. Tashmë, kur është 15 vjeç, Gjergj Haxhiu është kampion i Zvicrës dhe nënkampion bote për të rinjtë në Formula 4. 

Gjatë këtyre viteve, pasioni dhe puna e palodhur i kanë dhënë në duar shumë trofe dhe kupa. Por, talenti i Gjergji është ai që spikat më së shumti. Mediat e krahasojnë me Lewis Hamiltonin, pilotin aq të famshëm të Formula 1, ku përveç stilit tepër të ngjashëm që ka mes tyre, të dy kanë edhe një pikë të fortë të përbashkët: nuk dorëzohen asnjëherë.
Që nga viti 2007 Gjergj Haxhiu ka marrë pjesë në të gjitha garat e makinave për të rinj. Por, viti më i suksesshëm për të ishte 2011, ku ishte fitues i pesë garave në kategorinë 125 kubike dhe në të gjitha nuk u mposht asnjëherë. Viti 2014 e gjeti pilot në Formula 4, ku është piloti më i ri dhe garon përballë 20-vjeçarëve. 
Fitoret e deritanishme e bëjnë entuziast dhe e shtyjnë drejt ëndrrës së tij më të madhe: në një të ardhme të afërt shpreson të garojë për titullin botëror në Formula 1. Edhe pse për të arritur deri aty i duhet një punë e madhe dhe të kalojë nëpër disa etapa, Gjergji nuk heq dorë. Djali nga Prishtina, i lindur dhe i rritur në Zvicër, mban në makinën e tij flamurin shqiptar dhe atë zviceran, ndërsa në kaskë shqiponjën dhe simbolet e Gjergj Kastriotit. Ai është krenar për origjinën e tij. Tani, jemi ne krenarë për arritjet e Gjergj Haxhiut, pilotit të parë shqiptar që synon pistën e Formula 1.

 

/portali DurresLajm/

Video: 
Na bëni like në facebook!: 

Lajme nga e njëjta kategori

Ministri italian i Sportit, Vinçenco Spadafora, ka vendosur që t’i “rrëmbejë” një tjetër favor kryeministrit Konte, i cili kishte urdhëru

Cristiano Ronaldo dhe Hoze Murinjo e nisën mirë aventurën te Real Madrid, ndërsa dy patriotët kishin marrë përsipër t'i dhuronin trofe ma

Pas Cristiano Ronaldos dhe Lionel Messit, në “rrjetën” e hetimit të krimit ekonomik në Spanjë ka përfunduar sulmuesi i Atleticos së Madri

Rifillimi i futbollit në Portugali u shenjua nga një ngjarje e rëndë ku u përfshi autubusi i skuadrës kryesuese të kampionatit, Benfica.

Në prag të rifillimit të kampionatit, nga Kolegjiumi i Arbitrave u dha këshillimi që gjyqtarët të jenë më të kujdesshëm.

Maqedonia e Veriut ka zyrtarizuar pezullimin përfundimtar të sezonit.

Ndalesa e gjatë për shkak të pandemisë ka ngjeshur kalendarin e Kategorisë Superiore e për këtë arsye ndeshjet e saj do të kthehen përsër

Paolo Tramezzani rikthehet zyrtarisht në stolin e Sion.

Një tjetër tërmet pritet në dhomat e zhveshjes të Barcelonës.

Edi Martini, trajner i Teutës, mendon se skuadra e tij meritonte me shumë në transfertën me Laçin, por gjithsesi e pranoi se mbërritja me