15gusht 2015 –Temperaturat e larta që vazhdojnë të mbajnë të mbërthyera qytetet kryesore të vendit i kanë detyruar pushuesit të zgjedhin qendrat malore për të kaluar fundjavën.
Valbona, Pogradeci e Thethi janë kthyer në pikat më të kërkuara turistike dhe të gjesh një vend për të të pushuar të shtunën e të djelën është një mision gati i pamundur.
Nga një hetim i shkurtër i Dyrrahut mësohet se në këto qendra malore e liqenore sot nuk ka dhoma të lira në hotele e bujtina, madje është gati e pamundur të gjesh mundësi sistemimi as në familje që japin dhoma me qira. Sipas operatorëve turistikë lokalë fundjavat prenotohen nga pushuesit disa ditë më parë.
/agjencia e lajmeve "Dyrrah"/
