Vështirësitë në udhëtim për shkak të pandemisë e detyruan Federatën e Futbollit të anulonte ndeshjen miqësore ndaj Gjilbratarit më 11 nëntor dhe në të njëjtën datë u vendos të luhej një ndeshje vëllazërore me Kosovën.Vetëm kaq informacion kishim deri tani, teksa pak çaste më parë FSHF ka publikuar detajet e tjera në lidhje me këtë ndeshje. Sfida do të luhet në “Elbasan Arena”. Stadiumi “Air Albania” është vendosur të ruhet për sfidat ndaj Kazakistanit dhe Bjellorusisë, të dyja në shtëpi.Beteja do të nisë në orën 16:00 dhe pritet që në fushë të jetë një Shqipëri të mbushur me të rinj, duke qenë se është test miqësor dhe kohët e fundit ka pasur shumë të rinj që kanë shpërthyer dhe miqësorja do jetë mundësia e tyre.