Një zjarr i përmasave të mëdha është shfaqur pasditen e sotme në zonën e lagjes Kushtrimi në qytetin e Vlorës.
Flakët janë përhapur me shpejtësi, duke përfshirë fillimisht sipërfaqe me barishte dhe shkurre, ndërsa u rrezikuan banesa të zonës.
Forcat zjarrfikëse kanë mbërritur menjëherë në terren dhe vijojnë punën intensive për izolimin e vatrës së zjarrit, me qëllim parandalimin e përhapjes së flakëve drejt shtëpive që ndodhen në afërsi.
Situata paraqitet e vështirë për shkak të erës së fortë, e cila po favorizon avancimin e zjarrit dhe po vështirëson ndërhyrjen e efektivëve zjarrfikës.
