Një zjarr i përmasave të mëdha ka përfshirë prej rreth një ore zonën e Dajasit në Tiranë.

Në vendngjarje kanë mbërritur forcat zjarrfikëse, të cilat po punojnë për vënien e flakëve nën kontroll. Në operacion është angazhuar edhe një helikopter i Forcës Ajrore.

Sipas të dhënave paraprake, zjarri ka përfshirë kryesisht bimësi të dendur dhe shkurre, ndërsa nuk raportohet rrezik për banesat.

Forcat në terren vijojnë ndërhyrjen për izolimin dhe shuarjen e flakëve.