Projekti i Karpenit dështon, negociatat me investitorët nuk kanë qenë të vlefshme

Postuar: 06/02/2018 - 14:50

Qeveria shqiptare ka mbyllur pa rezultat negociatat me kompaninë Star Bridge Port Developments Limited për ndërtimin e portit të Karpenit në zonën e Kavajës që qeveria Rama e kishte prezantuar si një investim gjigant me vlerë 5 miliardë euro. Burimet nga Ministria e Financave thanë se projekti dështoi në fazën e negociatave pasi qeveria shqiptare nuk i ka pranuar kushtet e investitorëve në lidhje me të drejtat dhe tarifat.

Projekti që në prezantimin e tij nuk ngjalli besim për shkak se, se vlera e lartë prej 5 miliardë dollarë, sa gjysma e prodhimit të brendshëm të Shqipërisë, nuk mbështetej në fisibilitet. Nga ana tjetër, burimet e financimit nuk ishin të garantuara.

Projekti synonte ndërtimin e një porti të thellë që mundëson hyrjen e anijeve tregtare, zonë ekonomike dhe logjistike dhe ndërtimin e një terminali rigazifikimi LNG dhe një centrali për prodhim energjie (central energjie me gaz ose biomase), duke mundësuar hapjen e 70 mijë vendeve pune.  Qeveria shqiptare hyri në negociata me Star Bridge Port Developments Limited, një subjekt për qëllime të veçanta, i regjistruar në Angli dhe Uells në përbërje te të cilit janë kompani të tilla si AECOM, SFTA, Ramboll, RVT Architects, Summa etj. Mirëpo kapitali i kompanisë Star Bridge Port Developments Limited ishte 100 sterlina dhe kjo ngjalli dyshimet e para për seriozitetin e projektit.

Një projekt i përmasave të tilla do të kërkonte një infrastrukturë dhe ndërlidhje shumë të mirë rajonale. Sot kjo infrastrukturë mungon dhe ndonëse është në plan të zhvillohet nuk dihet se kur mund të jetë gati (minimumi, Shqipëria sot nuk ka hekurudhë funksionale), duke e nxjerrë jashtë loje Portin.

Propozimi për projektin e Karpenit u miratua në qeveri qysh në vitin 2016 dhe pas miratimit, grupet e ekspertëve kishin vetëm 60 kohë për negociatat. Edhe pas përfundimit të afatit të negociatave qeveria shqiptare nuk e ka pranuar zyrtarisht dështimin e tyre edhe pse kjo ka ndodhur realisht.

Edhe nëse negociatat do të ishin të suksesshme, projekti do të kishte një kosto mbi 700 milionë euro shpronësimesh pasi zona ku ishin parashikuar punimet është mjaft e populluar. /Monitor/

/portali DurresLajm/

Na bëni like në facebook!: 

Lajme nga e njëjta kategori

Nëse ke vendosur të blesh një shtëpi që kushton 75 mijë euro dhe banka të financon deri në 70% të shumës, pra 52,500 euro, dilema e shumë

Monedha e përbashkët ka shënuar një tjetër rënie të fortë gjatë ditës së sotme në tregun vendas, duke arritur në nivelin më të ulët që ng

Gjatë janarit dhe shkurtit bankat e nivelit të dytë kanë afishuar në vende të dukshme një tabelë ku sanksionohet një kufi i ri për sasinë

Drejtoria e Përgjithshme e Tatimeve publikoi një material ku sqarohen të ardhurat personale që tatohen dhe ato që nuk tatohen.

Tregtia është sektori nga sigurojnë fitimet pjesa më e madhe e njerëzve në vend.

Eksportet kanë shënuar një ecuri të mirë në muajin e parë të këtij viti, duke vijuar tendencën pozitive të shënuar edhe gjatë vitit të ka

Italia është partneri më i madh tregtar i Shqipërisë, me 57% të totalit të eksporteve dhe 28% të importeve, sipas të dhënave të INSTAT.

Dëgjojmë aq shumë për turizmin, rritjen e numrit të vizitorëve, kontributin në Prodhimin e Brendshëm Bruto por mbi të gjitha për lulëzimi

   Bashkia e Durrësit e pranon që viti 2018 nuk ka hyrë aq i mbarë sa pritej, as për biznesin e as për konsumatorin.