Një djalë 3-vjeçar ka ndërruar jetë pasi duke luajtur e ka zënë poshtë një bombol gazi e madhe. Ngjarja ka ndodhur në fshatin Mborje të Korçës rreth orës 11:25 të ditës së enjte, njofton policia.
I mituri me iniciale J.D. nuk i ka mbijetuar dot plagëve të marra. Mësohet se 3-vjeçari ndërroi jetë në spital.
Njoftimi i policisë
Më datë 16.08.2018, rreth orës 11:25, në fshatin Mborje-Korçë, në banesë, shtetasit J.D, rreth 3 vjeç, dyshohet se duke luajtur aksidentalisht i ka rënë duke e zënë poshtë, një bombul gazi e madhe e cila për pasojë i ka shkaktuar dëmtime trupore këtij të fundit.
Ky shtetas u shoqërua në Spitalin e Korçës nga familjarët e tij, ku më pas ka ndërruar jetë.
Grupi hetimor po punon për sqarimin e rrethanave të ngjarjes.
