Një 23-vjeçar është gjetur i plagosur në vendin e quajtur “Guri i Çifutit” në rrugën e Nartës në Vlorë.
Sipas informacioneve zyrtare, Policia e Vlorës u njoftua nga një qytetar që kishte konstatuar të plagosurin që qëndronte pas një karburanti. Në vendngjarje shkuan menjëherë uniformat blu, ku gjetën të riun të qëlluar me armë gjahu dhe e dërguan në spital.
Policia thotë se ai shtetasi me iniciale M.H. fatmirësisht ndodhet jashtë rrezikut për jetën. Uniformat blu kanë nisur hetimin për zbardhjen dhe sqarimin e plotë të rrethanve të ngjarjes.
