Ngjarja e rëndë e 10 ditëve më parë, ku gjatë një operacioni në terren mbeti i vdekur një shef komisariati, i ka angazhuar blutë e Durrësit në aksione të njëpasnjëshme që janë finalizuar me ndalimin e personave me prirje kriminale. Në kuadër të përforcimit të masave për garantimin e rendit dhe sigurisë dhe parandalimit të krimeve policia e Durrësit ka vënë në jetë një sërë aksionesh gjatë të cilave kanë rënë në pranga 12 persona.
Brenda 24 orëve në aksione të veçanta në zona të ndryshme të qarkut të Durrësit janë ndaluar 12 persona për armëmbajtje pa leje dhe vepra të tjera penale të parashikuara në nenet e Kodit Penal. Në njoftimin e saj për shtyp Drejtoria e Policisë së Qarkut Durrës thotë: “Pesë persona të arrestuar në flagrancë për armëmbajtje pa leje; 3 të arrestuar në flagrancë për vjedhje; 1 shtetas i arrestuar për kanosje për shkak të detyrës së punonjësve të Policisë; 2 persona të shpallur në kërkim të kapur të akuzuar për armëmbajtje pa leje dhe falsifikim dokumentash dhe 1 person i shpallur në kërkim për armëmbajtje pa leje”.
Burime policore bëjnë të ditur se kontrolle të ngjashme do të vijojnë edhe në ditët në vazhdim dhe do të zhvillohen paralelisht nga të tre komisariatet e policisë së qarkut.
Personat e ndaluar
Arben Demiri, 42 vjeç, banues në Fushë Krujë
Sh. Lamçe, 62 vjeç, banues në Tiranë
Qazim Daçi, 61 vjeç, banues në Budull Krujë
Çlirim Hysa, 19 vjeç banues në Kodër Rrushkull Durrës
Gentian Toçi, 19 vjeç, banues në Kodër Rrushkull Durrës
Enver Balla, 50 vjeç, banues në Shënvlash Komuna Rrashbull Durrës
Maksut Behluli, 33 vjeç banues në Manëz
Kurtish Tafhasi, 18 vjeç, banues në Manëz
Xhimi Buna, 34 vjeç, lindur e banues në Durrës
Albert Cani, 24 vjeç, banues në Hamalle Durrës
Idlir Dervishi, 37 vjeç, banues në Katund Sukth Durrës
