Mbrëmjen e së premtes, në sallën e teatrit “Aleksandër Moisiu” në Durrës, ZVA shpalli mësuesit më të mirë të Durrësit dhe shkollat e mesme fituese të Maratonës Rinore, aktivitetit kulturor që u mbajt prej disa ditësh në qytetin bregdetar.

Mësuesit e nderuar në këtë aktivitet, që ishin nga 13 shkolla të mesme publike dhe private të bashkisë Durrës, u vlerësuan me motivacionin për përkushtimin e vazhdueshëm të tyre në aktivitetet kulturore dhe zhvillimore të shkollave respektive. Ashtu siç theksuan drejtuesit e ZVA Durrës, por edhe vetë gjimnazistët që kishin votuar për përzgjedhjen dhe nderimin e tyre, puna e këtyre arsimtarëve del jashtë kuadrit të punës së përditshme që bëhet gjatë orës së mësimit.

Puna e vazhdueshme e tyre me gjimnazistët dhe angazhimi maksimal për aktivizimin e brezit të ri në aktivitete kulturore dhe jo vetëm ishte kriteri kryesor që përcaktoi nderimin e mësuesve më të mirë të këtij viti.

Gjatë mbrëmjes u shpallën edhe shkollat fituese, pjesëmarrëse në “Maratonën Rinore”, ku me çmimin e parë u nderuan jo një, por tre shkolla, pasi siç tha edhe drejtoresha e ZVA Durrës, Jonida Matohiti, performanca e tyre ishte vlerësuar me nota maksimale nga anëtarët e jurisë.

Shkollat e mesme që u nderuan me çmimin e parë ishin “Leonik Tomeo”, “Top School” dhe “Gjergj Kastrioti”.

Në “Maratonën Rinore” të këtij viti morën pjesë 16 shkolla të mesme publike dhe jo publike të bashkisë Durrës dhe një shkollë e mesme e bashkisë së Shijakut, ajo e Maminasit. Në fund të mbrëmjes, gjimnazistët pjesëmarrës në “Maratonën Rinore” i bënë një surprizë edhe koreografit Arjan Plaku, për impenjimin e vazhdueshëm të tij në aktivitetet kulturore të shkollave 9-vjeçare dhe të mesme të Durrësit dhe mbështetjen e madhe që i ka ofruar nxënësve të talentuar në kërcim dhe balet. 

Mësuesit më të mirë të Durrësit:

Shkolla LEONIK TOMEO

  • Mimoza Mema
  • Oneda Thartori
  • Reina Prifti
  • Nertila Ruçi
  • Adela Likmeta
  • Erjona Shyti
  • Marinela Poga
  • Olgers Manaj
  • Ermal Braholli

Shkolla BENARDINA QERAXHIA

  • Alma Begaj

Shkolla NAIM FRAASHERI

  • Mirela Lazimi
  • Valbona Xhani

Shkolla TOP SCHOOL

  • Alma Bala
  • Iris Saliu
  • Elida Kasmi

Shkolla OLSI LASKO

  • Erjola     Koni         
  • Dardana  Murati     
  • Anisa     Mehja       

Shkolla MANEZ

  • Olda Kolndreu
  • Hasije Doda

Shkolla KATUNDI I RI

  • Trendafile Koleci

Shkolla IBRAHIM KODRA

  • Blerina Gjyli
  • Aida Dunisha
  • Aferdita Mataj

Shkolla MIGJENI

  • Nafie Basha 
  • Olta Juba 
  • Oriana Rrihnaj 

Shkolla MIHAL IKONOMI

  • Dalina Beshiri
  • Edmonda Ceci
  • Soida Abdullai

Shkolla KULLE

  • Anita Trendafili 

Shkolla GJERGJ KASTRIOTI

  • Aida Bardhi
  • Alketa Aliu
  • Rudina Hajderi (Hamitaj) 
  • Albano Kolea

Shkolla BESNIK HIDRI

  • Anxhela Hote
  • Belina Tomorri

M.B.