Rocky Johnson, babai i yllit të Hollivudit, Dwayne Johnson, ose siç njihet ndryshe “The Rock”, ka ndërruar jetë në moshën 75-vjeçare.
Në një deklaratë, duke njoftuar vdekjen e tij, World Wrestling Entertainment (WWE) shkruan se “shpreh ngushëllimet më të thella për familjen, miqtë dhe fansat e Johnson”.
Rocky, i cili njihej si “Soul Man”, u bë kampioni i parë i ekipeve afrikano-amerikane të WWE në vitin 1983, një titull që ai fitoi me partnerin e tij Tony Atlas.
Pasi doli në pension në vitin 1991, djali i tij Dwayne vazhdoi trashëgiminë e tij të mundjes dhe mori pseudonimin e tij “The Rock”, përpara se të bëhej aktor.
