Këshilli i Lartë Gjyqësor ka rrëzuar kërkesën e ish-gjyqtarit të Gjirokastrës, Guximtar Boçi për ta rikthyer në detyrë.
Boci kishte bërë kërkesë për të hyrë përsëri në sistemin e drejtësisë, pas përfshirjes së tij në aferën seksuale. Por, në mbledhjen e sotme të KLGJ, u refuzua kërkesa e Guximtar Boçit për rikthimin në detyrë.
Në tetor të vitit 2016, emisioni “Stop” në Tv Klan transmetoi video- skandalin ku kryetari i Gjykatës së Shkallës së Parë në Gjirokastër Guximtar Boçi, kërkonte favore seksuale duke shfrytëzuar postin si kryetar i kësaj gjykate.
Një ditë pas denoncimit të këtij skandali në atë kohë, Këshilli i Lartë i Drejtësisë shkarkoi dhe pezulloi nga detyra Guximtar Boçin, ndërsa Prokuroria nisi hetim ndaj tij.
