Gjashtë anëtarë të një familjeje u vranë në vendbanimin Kajzerica në Zagreb mbrëmjen e së enjtes, ndërsa policia konfirmoi që vrasësi kreu vetëvrasje.
“Gjatë kërkimit, policia e lokalizoi atë. Në kohën e arrestimit, ai kreu vetëvrasje”, ka thënë policia në raportimin e saj, shkruajnë mediet e huaja.
Ndërkohë ishte raportuar se gjashtë anëtarë të së njëjtës familje u vranë dhe një fëmijë shtatë muajsh ishte i vetmi i mbijetuar.
Xhelozia përmendet si motiv, sipas “Jutarnji List”.
Midis të vrarëve ishin dy burra, tre gra dhe një fëmijë 10-vjeçar. Foshnja nuk u plagos, tha policia.
Pas vrasjes, u organizua një ndjekje e madhe në të gjithë Kroacinë, por rreth orës 4 të mëngjesit, burri bëri vetëvrasje.
