Policia vë në pranga autorin e plagosjes së ndodhur dy ditë më parë në Krujë.
Specialistët për Hetimin dhe Parandalimin e Krimeve në Komisariatin e Policisë Krujë, në vijim të punës për kapjen dhe ndalimin e autorit të plagosjes së shtetasit A.P., kanë vënë në pranga shtetasin:
-Kastriot Alushi, 49 vjeç, banues në Krujë.
Kapja dhe ndalimi i tij u bë pasi ky shtetas në datën 03.06.2019, në lagjen "Sesere", Krujë, plagosi me armë zjarri për motive të dobëta shtetasin A.P., njofton policia e Durrësit.
Në cilësinë e provës materiale u sekuestruan arma e zjarrit pushkë model 63.
Materialet hetimore i kaluan Prokurorisë pranë Gjykatës së Shkallës së parë Krujë në ngarkim të shtetasit K.A., për veprat penale "Vrasje me dashje e mbetur në tentativë" dhe "Mbajtja pa leje e armëve dhe municioneve luftarake" parashikuar në nenet 76-22 dhe 278/2 të Kodit Penal.
