Grabitja e një dite më parë në aeroportin e Rinasit nxori në një konferencë të posaçme pasditen e sotme Presidentin e vendit, Ilir Meta.
Nga Presidenca, Kreu i Shtetit tha se një ngjarje e tillë është e papranueshme dhe tregues i një mungese të theksuar të përgjegjshmërisë.
Ai solli në vëmendje mbledhjen e Këshillit të Sigurisë Kombëtare në maj të vitit 2018, ku presidenti thotë se ka ngritur mungesën e përgjegjësive të qarta që viheshin re mbi garantimin e sigurisë në aeroportin ‘Nënë Tereza’.
Sipas Metës, në atë mbledhje ai thotë se ka ngritur edhe çështjen e mangësive në akses dhe koordinim të Policisë së Shtetit për ndërhyrjen e duhur në rast rreziku.
