Është miratuar ditën e sotme nga Këshilli i Ministrave rritja e pensioneve me 2.8 përqind.
Propozimi për këtë rritje është bërë nga ministria e Financave dhe të Ekonomisë. Përfitimi për rritjen e pensioneve do të caktohet nga data 1.4.2019 e në vazhdim, me kusht që data e fillimit të pensionit të jetë deri më 31.3.2019.
Ndërkohë, është marrë një tjetër vendim i rëndësishëm për pensionet që kanë datë fillimi të të drejtës deri më 31.12.2014. Në këtë vendim thuhet se pensionet e disa kategorive nuk do të jenë më pak se 13 753 (trembëdhjetë mijë e shtatëqind e pesëdhjetë e tre) lekë në muaj dhe më shumë se 27 506 (njëzet e shtatë mijë e pesëqind e gjashtë) lekë në muaj.
Pensionet që përfitojnë nga vendim janë pensionet e plota të pleqërisë, pensionet e plota të invaliditetit dhe pensionet e plota familjare si dhe pensionet e pleqërisë të punonjësve të minierave në nëntokë, të caktuara me ligjin nr.150/2014.
