Policia ka bllokuar hyrjen e pedonales që në orët e para të mëngjesit në kuadër të protestës së opozitës, e thirrur në orën 10:00 të ditës së sotme.
Qytetarë nga rrethe të ndryshme të vendit janë nisur drejt Tiranës për këtë protestë.
Kreu i PD-së, Lulzim Basha tha dje në mbrëmje se protestat do të vazhdojnë dhe iu bëri thirrje qytetarëve që të bëhen bashkë në këtë “betejë që na bashkon”.
“Nesër në oren 10.00 i bëj thirrje të gjithë qytetarëve të mi të jemi të gjithë bashkë, sepse kjo është një betejë që na bashkon dhe nuk na ndan, është një betejë që nuk bëhet për pushtet, nuk bëhet për një parti politike. Bëhet për ta çliruar vendin nga zgjedha e krimit”, deklaroi Basha.
Protesta do të mbahet në të njëjtën kohë me seancën plenare që pritet të zhvillohet nga mazhoranca qeverisëse ku veç rendit të ditës pritet të bëjnë betimin dhe katër deputetët nga lista shumëemërore e LSI-së që morën mandatin një ditë më parë nga KQZ.
