Një aksident me pasojë vdekjen ka ndodhur sot në Sarandë, ku një person ka humbur jetën ndersa dy të tjerë mbeten te plagosur.
Ngjarja ndodhi rreth orës 09:20, në afërsi të liqenit, në fshatin Mursi. Burime zyrtare nga policia bënë me dije se automjeti tip “Benz” me drejtues shtetasin O.M, 21 vjeç, ka dalë nga rruga dhe ka goditur 3 këmbësorë.
Si pasojë e goditjes, shtetësia me inicialet L.B., 35 vjeçe ka ndërruar jetë në vend, ndërsa dy shtetasit e tjerë S.S., 33 vjeç dhe G.S., 38 vjeç, kanë mbetur të dëmtuar.
Grupi hetimor ndodhet në vendin e ngjarjes duke kryer hetimet në lidhje me përcaktimin e shkakut dhe të sqarimit të rrethanave.
