Pas votimit në seancën e jashtëzakonshme të së martës në Kuvend për shkarkimin nga detyra të Fatmir Xhafajt nga post i ministrit të Brendshëm, në faqen online të kryeministrisë janë bërë edhe përditësimet e fundit në përbërjen e kabinetit qeveritar.
Edhe pse e emëroi në postin e zv/ministrit të brendshëm, për shkak të mos dekretimit nga kreu i shtetit, Sadër Lleshaj është renditur krah ministrave të kabinetit qeveritar, kjo pasi sikundër u shpreh edhe kryeministri, Lleshaj do të mbajë në postin e zv/ministrit por do të jetë në krye të punëve të brendshme.
Sandër Lleshaj u prezantua një ditë më parë në Ministrinë e Brendshme si zv/ministër, në një ceremoni ku ishin të pranishëm, vetë kryeministri Edi Rama, ish ministri i dorëhequr Fatmir Xhafaj, 4 zëvendësministrat e Brendshëm, si edhe Drejtori i Përgjithshëm i Policisë së Shtetit dhe Sekretari i Përgjithshëm i Ministrisë.
