Fytyra e pikëlluar e këtij djali 6-vjeçar ka prekur me mijëra zemra. Atij nuk i erdhi asnjë nga 32 shokët e kopshtit te festa që organizoi në një piceri.
Mamaja thotë se ajo kishte përgatitur qeska me ëmbëlsira dhe madje kishte folur me disa prej prindërve, të cilët i kishin thënë se do të vinin.
Pasi priti më kot në piceri, mamaja zemërthyer postoi një foto të djalit, duke thënë që nuk do të organizonte më festa për ca kohë. Kur lajmi u bë viral në internet, djali nisi të marrë oferta nga më të ndryshmet.
Përveç urimeve për ditëlindje që vërshonin nga çdo anë, djaloshi i ëmbël që quhet Teddy, ka marrë ftesë të bëjë xhiro me një limuzinë në formë miu, që e ka një organizator vendas.
Por e papritura më e madhe erdhi nga ekipi “Phoenix Sun”. Ata i kanë ofruar bileta falas te një ndeshje e rëndësishme, dhe madje që ta shohë bashkë me ekipin.
