Thuajse e gjithë Britania është zbardhur nga bora e rënë një natë më parë, duke shkaktuar probleme në shumë rrugë të vendit, e akoma më tepër reshje pritet të ketë në ishullin britanik teksa stuhia e Fionn po kalon përmes saj.
Autoritetet ndërsa paralajmërojnë për rënie akoma edhe më të mëdha të temperaturave, apelojnë për kujdes në rrugë pasi shumë prej tyre janë nën pushtetin e ngricave.
Më tepër se 50 shkolla dhe kopshte kanë mbyllur për shkak të motit të keq dhe mbi 3 mijë fëmijë po shijojnë pushimet në shtëpi në këto ditë me borë, raporton Daily Mail.
Ndërkohë Evropa verilindore po përgatitet të përballet me stuhinë Fionn mbrëmjen e së mërkurës dhe ditën e enjte.
