Një tërmet i fuqishëm sot herët në mëngjes ka goditur bregdetin e ishullit Sumatra, në Indonezi.
Raportohet se dridhja është ndjerë në Singapor, që është qindra kilometra larg, duke shkaktuar panic tek banorët.
Vëzhgimi Gjeologjik i Shteteve të Bashkuara ka raportuar se tërmeti me intensitet 6.4 shkallë, e kishte epiqendrën afro 74 kilometra në perëndim të qytetit bregdetar, Bengkulu.
Megjithatë, nuk është dhënë alarm për cunami.
Një zyrtar i Agjencisë për situata emergjente në qytetin Padang në Indonezi, tha se banorët lokalë ishin shqetësuar nga tërmeti./REL
