Të mërkurën, ora 20:00, në “Kazan Arena”, Kupa e Konfederatave do të arrijë kulmin e saj me gjysmëfinalen e parë të këtij turneu, Portugali-Kili. Dueli që pritet me padurim është ai ndërmjet sulmuesit Cristiano Ronaldo dhe mesfushorit Arturo Vidal, dy yjet e këtij takimi, pa harruar edhe Alexis Sanchez-in.
I pyetur për “xixat” që mund të ketë në fushë me yllin e Real Madridit, Vidal ka surprizuar duke e injoruar rivalin e tij. “Cristiano është një djalë i zgjuar, por për mua nuk ekziston fare. Mendjen e kam te rezultati”, – është shprehur lojtari i Bayern-it.
