Një këmbësore është aksidentuar nga një mjet i paidentifikuar mëngjesin e sotëm në zonën e Livadhes, në Bashkinë Finiq.
Mësohet se drejtuesi i mjetit pas aksidentit është larguar nga vendngjarja.
“Sot, rreth orës 07:20 në Livadhja, Finiq, një mjet ende i paidentifikuar ka aksidentuar këmbësoren shtetasen E. M., rreth 75 vjeçe, banuese në Livadhja, e cila u dërgua në spital dhe ndodhet nën kujdesin e mjekëve.
Grupi hetimor po punon për identifikimin dhe kapjen e drejtuesit të mjetit i cili pas aksidentit është larguar nga vendngjarja”, njofton policia.
