Gramoz Ruçi i është përgjigjur ashpër Ilir Metës, pas deklaratës së tij një ditë me parë se e njeh mirë Ruçin. Nga Cakrani i Fierit, deputeti socialist ka paralajmëruar Metën se edhe mund të shkarkohet si President i Republikës nëse nuk do të zbatojë Kushtetutën.
“Presionet dhe shantazhet që bën me votat e socialistëve që e zgjodhën edhe president, qe nuk do të dekretojë as qeverinë, janë të kota. Nëse ka këto mend të mos e bëjë betimin më 24 korrik. Nëse do shkojë me këto mend e do shkelë kushtetutën, është burri i parë që i ka provuar të gjitha, por do të jetë edhe Presidenti i parë që do të provojë shkarkimin dhe i pari që do ta firmosë do të jetë Gramoz Ruçi.”
Përplasjet Meta-Ruçi nisën pas goditjes së një të riu në Zharrëz, ngjarje për të cilën LSI akuzoi përfaqësues të Partisë Socialiste.
