Lewis Hamilton, pilot i Mercedes dhe kampioni në fuqi i botës, do të niset i pari nesër në Çmimin e Madh të Spanjës. Britaniku arriti “pole position” me kohën 1:19:149. Ndërkohë piloti i Ferrarit, njëkohësisht lideri i deri tanishëm i renditjes, Vettel do të niset menjëherë pas Hamilton.
Vettel arriti vetëm në xhiron e fundit të thyente kohën e pilotit tjetër të Mercedes, Bottas, i cili do të niset i treti. Ndërkohë në vendin e katërt u rendit Kimi Raikkonen. Një start me Hamilton dhe Vettel në krye premton për një garë spektakolare. Gara për Çmimin e Madh të Spanjës zhvillohet ditën e nesërme në orën 14:00.
