E prisnim prej kohësh dhe më në fund bukuroshja e ekranit Marina Vjollca është veshur nuse.
Edhe pse jo në dasmën e saj me Getin, por në një sfilatë mode, Marina është shfaqur rrëzëllitëse si asnjëherë më parë, me një sharm që vetëm ajo di ta falë.
Në fotot e siguruara nga Blitz.al, Marina duket me fustanin e bardhë të nusërisë, duke pozuar në përmbyllje të sfilatës së modës për fustanet e nusërisë dhe ato të mbrëmjes për firmën e Alketa Vejsiut, e cila e ka përzgjedhur Marinën si imazhin e kompanisë për sezonin e ri të fustaneve të nusërisë dhe ato të mbrëmjeve.
Marina dhe Geti pritet që të organizojnë dasmën e tyre së shpejti, dhe kanë përzgjedhur pikërisht Alketën për t’u marrë me organizimin e ceremonisë në ditën më të bukur të jetës së tyre.
Është përfolur prej kohësh se verën e këtij viti, bukuroshja e ekranit dhe këngëtari i muzikës Rap, Geti do kurorëzojnë dashurinë e tyre në martesë në një prej lidhjeve të dashurisë më të përfolura nga fansat.
Duke parë një mrekulli si Marina veshur nuse kaq bukur në sfilatë, pritshmëritë për dasmën janë akoma edhe më të mëdha. Tani s’na mbetet veçse të urojmë që ajo ditë të jetë sa më e afërt.
