Një banesë është përfshirë nga flakët pak minuta më parë në Durrës.
Ngjarja e rëndë është regjistruar tek barakat e komunitetit rom, të ndërtuara përgjatë rrugës së re të portit.
Një dëshmitar në vendngjarje dërgoi në redaksinë e DurrësLajm videon e mëposhtme.
Zjarrfikësit sapo kanë mbërritur në vendngjarje dhe po punojnë për shuarjen e flakëve që kanë përfshirë të gjithë barakën.
Fatmirësisht, nga informacionet paraprake, mësohet se nuk ka persona të lënduar.
Nuk dihet ende përse shpërthyen flakët në banesë. Hetimet vijojnë.
M.B.
