Eden Hazard është rikthyer për të diskutuar sërish impaktin e trajnerit Antonio Conte tek skuadra e Chelseat. Ylli i bluve të Londrës ka vlerësuar punën e teknikut italian me pesë herë kampionët e Anglisë.“Është një trajner i madh, njeri mbi të gjitha. Ai ka pasion për punën që bën. Ai jep gjithçka në stol dhe ne japim gjithçka në fushë. Është njeri i madh. Përpiqet të flasë shumë me lojtarët dhe jemi të lumtur që kemi mundësi të punojmë me të”, tha ai.Conte tashmë njihet për pasionin e tij në stol dhe Hazard e ka quajtur italianin të çmendur. “Gjatë ndeshjes mundohem të jem i përqendruar, por kur shoh ndeshjet të nesërmen e shoh atë dhe mendoj se është pak i çmendur”, tha me shaka ai.