Një 73-vjeçar është aksidentuar për vdekje mbrëmjen e së shtunës në fshatin Shkallë në Konispol.
Sipas policisë, automjeti tip "Nisan" ka goditur aksidentalisht këmbësorin i cili ka ndërruar jetë gjatë rrugës për në spital. Viktima, I.P., ishte banues në fshatin Shkallë.
Policia ka shoqëruar drejtuesin e mjetit, 52-vjeçarin Myzafer Idrizaj, me të cilin po kryhen veprimet e arrestimit të tij.
Grupi hetimor ndodhet në vendngjarje duke kryer veprimet e mëtejshme për sqarimin e rrethanave të aksidentit.
