Teksa viti akademik po afrohet, maturantët janë ende të paqartë se si duhet të veprojnë në fazën e dytë të aplikimeve dhe çfarë mënyre do të përdoret për llogaritjen e pikëve.
Lëvizja Socialiste për Integrim ka një propozim konkret për zgjidhjen e krizës së maturantëve. Për këtë arsye deputetja Monika Kryemadhi si dhe Kejdi Mehmetaj kanë shkuar sot në Ministrinë e Arsimit ku po zhvillojnë një takim me ministren Nikolla si dhe përfaqësues të tjerë të MAS.
Propozimi ka të bëjë me kriteret e garës për universitet që maturantët të mos penalizohen.
LSI propozon reduktimin deri në 3 të preferencave për degët, ndërkohë që aktualisht sipas sistemit të ri janë 10 preferenca. Për më tepër LSI kërkon më shumë transparencë në fazën e dytë të garës.
Gjithashtu LSI propozoi që në kolonat e notave të mos ketë pikë ‘zero’, ndërsa u kërkua gjithashtu të ketë grupe konsultimi për maturantët në të gjithë vendin.
