Pasditen e sotme treni i Vlorës është përfshirë nga flakët, pasi në vagonat që përdoreshin për transport udhëtarësh, ka rënë zjarr.
Sipas të dhënave, zjarri ka nisur në ambientet e brendshme dhe ka zgjatur disa minuta.
Me të marrë njoftim zjarrëfikësja ka mbërritur në vendngjarje dhe ka bërë të mundur neutralizimin e zjarrit. Paraprakisht dyshohet për zjarrvënie të qëllimshme, pasi në zonën e stacionit të trenit qëndrojnë vazhdimisht endacakë.
Mësohet se vagonët e përfshirë nga flakët pasditen e sotme, janë funksionalë e shërbejnë për transportin e udhëtarëve.
