Zbardhet lista e deputetëve të Kuvendit të Shqipërisë, të cilët nuk kanë folur asnjëherë gjatë sesionit të shkuar parlamentar janar-korrik 2016.
Sipas një raporti të Institutit të Studimeve Politike, lista kryesohet nga Partia Socialiste, ku 18 deputetë të saj kanë vegjetuar dhe nuk kanë hapur gojë fare në Kuvend, të pasuar nga LSI-a e PD-ja.
Thjesht këta deputetë janë paraqitur në seanca për të shënuar pjesëmarrjen dhe kanë ngritur kartonët sipas vendimit të partisë.
“Referuar të dhënave zyrtare nga Kuvendi i Shqipërisë rreth 35 deputetë (1 prej tyre me mandat edhe ministror) nuk folën në asnjë nga 27 seancat parlamentare të periudhës janar – korrik 2016”, thuhet në raport.
Nga PS nuk folën asnjëherë 18 deputetë, LSI-a e PD-ja kanë nga 7 deputetë që nuk kanë bërë asnjë diskutim në parlament, PAA 1 dhe PDIU 1.
Studimi tregon se nga deputetët që nuk folën në asnjë seancë, bien në sy dy kategori: një grup politikanësh me karrierë të gjatë parlamentare dhe politike majtas e djathtas, si dhe një grup biznesmenësh lokalë, prurje të reja në zgjedhjet 2013 nga listat shumëemërore të partive.
“Në kategorinë e parë evidentohen emra si Bashkim Fino apo Namik Dokle (PS), Arben Imami apo Gert Bogdani (PD), Monika Kryemadhi apo Vangjel Tavo (LSI). Në pjesën tjetër të listës bien në sy emra të njohur për publikun, si biznesmenët Sadri Abazi, Vladimir Kosta, Tom Doshi, Parid Cara e Fidel Ylli (PS), Shkëlqim Selami, Agron Çela apo Ylli Shehu (LSI), Dashamir Tahiri, Keltis Kruja apo Gjovalin Bzheta (PD), Ylli Rakipi (PDIU) apo Agron Duka (PAA)”.
Studimi nxjerr në pah faktin se “rreth 50% e këtyre deputetëve e kanë siguruar mandatin parlamentar në formë preferenciale për shkak të njohjes, raporteve apo besimit personal të liderit politik në partitë e tyre. Kjo do të thotë, se kjo pjesë e listës, rreth 15-17 deputetë, presin të konfirmohen në listat proporcionale të partive respektove edhe në zgjedhjet e ardhshme parlamentare, kryesisht për shkak të raporteve personale me liderin ose për shkak të kontributeve financiare në fushatat elektorale. Shumica e tyre kanë mandate të dyta parlamentare, pra kanë përvojën dhe fakti që nuk i kushtojnë rëndësi fjalimeve, do të thotë se njohin rrugët efektive të karrierës, pavarësisht kontributit dhe përgjegjësive publike”.
Ja deputetët që nuk folën asnjëherë në Kuvend në periudhën janar-korrik 2016:
Nga PS
Bashkim Fino
Sadri Abazi
Namik Dokle
Anduel Xhindi
Armando Prenga
Dashamir Kamberi
Edmond Leka
Enkelejda Shkreli
Fidel Ylli
Ilir Xhakolli
Luljeta Arapi
Paulin Stërkaj
Parid Cara
Shkëlqim Troplini
Tom Doshi
Vexhi Muçmata
Vladimir Kosta
Dashamir Peza
Nga LSI
Agron Çela
Bujar Derveni
Gledion Rehovica
Monika Kryemadhi
Shkëlqim Selami
Vangjel Tavo
Ylli Shehu
Nga PD
Arben Imami
Astrit Veliaj
Dashamir Tahiri
Gerti Bogdani
Gjovalin Bzhetaj
Keltis Kruja
Mhill Fufi
Nga PDIU
Aqif Rakipi
Nga PAA
Agron Duka
