Boksieri irlandez Majkëll Konlan u eliminua në gjysmëfinale nga rusi Vladimir Nikitin, por në fund nuk doli pa medalje nga Lojërat Olimpike. Konlan garoi në peshën 56 kg dhe paraqitja që ai bëri ndaj rusit nuk i largoi fansat e tij, përkundrazi. Mediat ndërkombëtare shkruajnë se një djalë 5-vjeçar vendosi t’i dhurojë medaljen e tij. Edhe pse jo një medalje ari, për irlandezin ishte medalje ngushëllimi, mbështetjeje.Veprimi i vogëlushit është treguar nga nëna e tij edhe në “BBC”. Medaljen ai e kishte fituar në një ditë sporti me shkollën në Swords dhe i kërkoi motrës 9 vjeçe që të shkruante letrën.Letra-Përshëndetje, Majkëll. Quhem Finn Mc Manus dhe jam 5 vjeç. Pashë ndeshjen tënde në Rio dhe t'i duhet të ishe fituesi sepse je boksieri më i mirë në botë. Dua që ti të marrësh medaljen time, sepse je ti fituesi. Shpresoj që të pëlqejë”,-përfundon letrën 5-vjeçarit.