Ditët e nxehta të verës shkaktojnë vështirësi jo vetëm tek njerëzit, por edhe tek kafshët. Teksa të gjithë kërkojmë të gjejmë një cep me hije, të ndezim freskueset apo të pijmë një pije të ftohtë, ky qenush i quajtur Elvis, duket se ka gjetur një zgjedhje shumë origjinale. I munduar nga vapa ai shkon e futet drejt e në frigorifer. Bulldogu francez, rehatohet e shtrihet në pjesën e poshtme të frigoriferit dhe dëgjohet duke marrë frymë thellë, teksa pushon i qetë. Nga fytyra që bën, Elvisi duket se e ka gjetur freskinë dhe ndihet shumë mirë.