Policia e Durrësit ka vënë në pranga një shtetas, i cili ka shkaktuar aksident duke drejtuar mjetin në gjendje të dehur.
“Specialistët e Qarkullimit Rrugor në DVP Durrës kanë arrestuar në flagrancë shtetasin M.K., 36 vjeç, banues në Tiranë, pasi në aksin rrugor Gjiri i Lalzit – Maminas, në fshatin Rrotull, Shijak, duke drejtuar në gjendje të dehur mjetin tip “BMW” është përplasur me mjetin bujqësor, motokarro, pa targa, me drejtues shtetasin I.V., 36 vjeç, banues në Durrës.”, njoftojnë burimet zyrtare.
Sipas policisë, si pasojë e përplasjes shtetasi i mësipërm ndodhet në Spitalin e Traumës Tiranë në gjendje serioze për jetën.
Materialet i kaluan Prokurorisë së Rrethit Gjyqësor Durrës për veprime të mëtejshme.
